ကော်ဖီပန်းပွင့်မှု ပိုမိုကောင်းစေခြင်းနှင့် အသီးပိုမိုတင်စေခြင်း
စုစုပေါင်းကော်ဖီအထွက်တိုးစေရန်အတွက် ကော်ဖီ ပန်းပွင့်ခြင်း၊ ကော်ဖီသီး အသီးတင်ခြင်းတို့ကို သင့်တင့်မျှတအောင် ဆောင်ရွက်ရမယ်။
မျှော်မှန်းထားသည့် ကော်ဖီအထွက်ရရှိရန် မြေသြဇာ ကို ဖြည့်ဆည်းပေးရန် လိုအပ်ပါတယ်။
သီးနှံအာဟာရပေးခြင်းက ကော်ဖီပန်းပွင့်ခြင်းနှင့် ကော်ဖီသီးအသီးတင်ခြင်းအပေါ် သက်ရောက်မှု
နိုက်ထရိုဂျင် (N)
ကော်ဖီအထွက်နှုန်းအတွက် နိုက်ထရိုဂျင်၏အရေးပါပုံကို အဓိကကော်ဖီ စိုက်ပျိုး ထုတ်လုပ်သော ဧရိယာများတွင် မြောက်မြားစွာသော စမ်းသပ်စစ်ဆေးခြင်းများဖြင့် အတည်ပြုပြီးဖြစ်ပါတယ်။ အရွက်အများအပြား ရှိနေခြင်းကို ထိန်းသိမ်းခြင်းဖြင့် ကျန်းမာသည့် အရွက်ထုတ်လုပ်ရေးကို မြှင့်တင်ပေးသကဲ့သို့ နိုက်ထရိုဂျင်အာဟာရသည်လည်း ပန်းပွင့်အရေအတွက် အများဆုံးရရှိရာတွင် အရေးပါသော အခန်းကဏ္ဍတွင် ပါဝင်ပါတယ်။
ဖော့စဖောရပ် (P)
ဖော့စဖောရပ်သည် သဘာဝအားဖြင့် လိုအပ်ချက်နည်းပါးပြီး မြေကြီးထဲတွင် ခိုင်မြဲစွာ တွယ်ကပ်နေပါတတ်ပါတယ်။ ဖော့စဖောရပ်မြေသြဇာအသုံးပြုခြင်းဖြင့် ကော်ဖီသီး အသီးတင်ခြင်းနှင့် အထွက်နှုန်းကို တိုးတက်စေပါတယ်။ ဖော့စဖောရပ်နည်းသော မြေကြီးများတွင် တစ်ဟက်တာလျှင် ဖော့စဖောရပ် ပန်တာအောက်ဆိုဒ် (P2O5) ၁၅၀ ကီလိုဂရမ်အထိ အသုံးပြုပါက ဖော့စဖောရပ်၏ အာနိသင်ကို တွေ့ရတယ်။ သို့ရာတွင် ကျူးဘားနိုင်ငံတွင် ပြုလုပ်ခဲ့သော စမ်းသပ်ချက်ကဲ့သို့ ဖော့စဖောရပ် လွန်ကဲစွာ အသုံးပြုပါက ပိုလျှံဖော့စဖောရပ် ဆွဲယူမှုသည် အခြားအာဟာရဓာတ်များနှင့် ဟန်ချက်မညီဖြစ်ကာ ယင်းကတစ်ဆင့် အထွက်နှုန်းကို လျော့ကျစေပါသည်။
ဘိုရွန် (B)
ဘိုရွန်သည် ကာဘိုဟိုက်ဒရိတ်၊ ဇီဝဖြစ်ပျက်မှုနဲ့ဲ့နယူးကလစ်အက်စစ်များ ပေါင်းစပ်ခြင်းနှင့် ဆက်စပ်မှုရှိပါတယ်။ အကျိုးရလဒ်အဖြစ် ဘိုရွန်ချို့တဲ့ပါက အမြစ် ထွက်ခြင်း၊ ပန်းပွင့်ခြင်းနှင့် အသီးတင်ခြင်းတို့ကို နည်းပါးစေပါတယ်။ ဘိုရွန် ရွက်ဖျန်းမြေသြဇာများကို အသုံးပြုသောအခါ အပွင့်မပွင့်မီနှင့် အပွင့်ပွင့်ပြီးနောက် ဇင့်နှင့်ရောစပ် အသုံးပြုပါက ကော်ဖီအထွက်နှုန်း အကောင်းဆုံး ဖြစ်ကြောင်း စမ်းသပ်ချက်များအရ သိရပါတယ်။
