ကော်ဖီအနံ့အရသာနဲ့ အရည်အသွေးကို တိုးတက်စေခြင်း

ကောင်းမွန်သော ကော်ဖီတွင် ထင်ရှားသည့် မွှေးရနံ့နဲ့ အရသာတို့ ရှိကြပြီး ၄င်းတို့ နှစ်ခု စလုံးသည် ကော်ဖီစေ့အတွင်းရှိ ဓာတုပါဝင်ပစ္စည်းတို့၏ ပေါင်းစည်းခြင်း ရလဒ်ပဲ ဖြစ်ပါတယ်။

ကော်ဖီစေ့၏ အရည်အသွေးကို စိုက်ပျိုးသည့် ပတ်ဝန်းကျင် (ရာသီဥတု၊ ပင်လယ်ရေမျက်နှာပြင်အမြင့်ပေ၊ မြေအမျိုးအစား၊ မျိုးနှင့် သီးနှံစိုက်ပျိုးရေးဆိုင်ရာ အလေ့အထများ) စသည်တို့ဖြင့် သတ်မှတ်ပြီး အထူးသဖြင့် အချဉ်ဖောက်ခြင်းညံ့ပါက ဤဓာတုပစ္စည်းများ၏ အပြင်းအပျော့သည် ပြုပြင်စီမံစဉ်အတောအတွင်း လျော့ကျနိုင်ပါတယ်။

အချဉ်ဖောက်ခြင်းနှင့် အခြောက်ခံလုပ်ငန်းစဉ်တို့၏ အကျိုးဆက်အဖြစ် အစိုနည်းဖြင့် စီမံထုတ်လုပ်ခြင်း လုပ်ငန်းစဉ်သည် ပိုမိုကောင်းမွန်ပြီး အနံ့အရသာပြည့်စုံသော ကော်ဖီကို ထုတ်လုပ်ပေးပါတယ်။ မမှည့်သော၊ အမှည့်လွန်သော၊ ပျက်စီးနေသော၊ ရောဂါကျနေသော ကော်ဖီသီးများသည် ကော်ဖီ၏ ဓာတုပစ္စည်းပါဝင်မှု၏ အရည်အသွေးအပေါ် ဆိုးကျိုးသက်ရောက်စေပါတယ်။

ကော်ဖီသောက်သုံးသူတွေက အနံ့အရသာ ပုံမှန်ရှိသော၊ သန့်ရှင်းသော ကော်ဖီကို နှစ်သက်ကြပါတယ်။ အမျိုးမျိုးသော တိုင်းပြည်များတွင် အကြိုက်အမျိုးမျိုး၊ လိုအပ်ချက်အမျိုးမျိုးလည်း ရှိကြပါတယ်။ ကော်ဖီစိမ်းစေ့၏အရည်အသွေးကို ၄င်း၏ ရုပ်ပိုင်းဆိုင်ရာ သွင်ပြင်လက္ခဏာ၊ လှော်လိုက်သည့်အခါ ထွက်လာသော အမွှေးနံ့နှင့် ၄င်း၏ အနံ့အရသာ၊ မွှေးရနံ့နှင့် ကော်ဖီစေ့ အလေးချိန် တို့ကို စိစစ်သုံးသပ်ပြီး အကဲဖြတ်ပေးသော ကော်ဖီအရသာခံ ကျွမ်းကျင်သူတွေက အကဲဖြတ်ပေးကြပါတယ်။ ယေဘုယျအားဖြင့် အရာဘီကာ (Arabica) ကော်ဖီသည် ရိုဘပ်စ်တာ (Robusta) ကော်ဖီထက် အနံ့အရသာ ပိုကောင်းပါတယ်။

 

သီးနှံအာဟာရနှင့် ကော်ဖီအနံ့အရသာအရည်အသွေး

 

ပိုတက်ဆီယမ်

ကော်ဖီသီးအတွင်း သကြားဓာတ်ဖွဲ့စည်းဖြစ်ပေါ်လာစေရန်အတွက် အရွက်များမှ သကြားများကို သယ်ဆောင်ပေးခြင်းဖြင့် ပိုတက်စီယမ်သည် ကော်ဖီသီးအရည်အသွေး ကောင်းမွန်ရေးအတွက် အလွန်အရေးကြီးသော အခန်းကဏ္ဍတွင် ရှိပါတယ်။ အာဟာရဓာတ်သည် ပြုပြင်စီမံထားသော ကော်ဖီအရည်အသွေးအပေါ် တိုက်ရိုက်အကျိုးသက်ရောက်ပါတယ်။ ပိုတက်စဆီယမ်ကို အကောင်းဆုံးပမာဏ တစ်ဟက်တာလျှင် ကီလို ၂၀၀ အထိ တိုးမြှင့် စမ်းသပ် အသုံးပြုကြည့်ရာ ကော်ဖီအနံ့အရသာ အရည်အသွေးနှင့် တိုက်ရိုက် ဆက်နွှယ်နေသော ပိုလီဖီနော (polyphenol) ဓာတ်တိုးပစ္စည်း လှုပ်ရှားမှု၊ အရောင်အညွှန်းကိန်းနှင့် သကြားပါဝင်မှုတို့ကို တိုးတက်စေပါတယ်။

အဆိုပါ စမ်းသပ်မှုတွင်ပင် ပိုတက်ဆီယမ်၏ ထိရောက်မှုအရှိဆုံး ပုံစံသည် ပိုတက်စီယမ်နိုက်ထရိတ်ဖြစ်သည်ကိုလည်း တွေ့ရပါတယ်။ အကောင်းဆုံးသော ကော်ဖီအနံ့အရသာ အရည်အသွေးကို ရရှိရန်အတွက် ပိုတက်ဆီယမ်ဆာလ်ဖိတ်နှင့် ပိုတက်စီယမ် ကလိုရိုဒ်တို့ကို အသုံးပြုခြင်းနှင့်ယှဉ်ကြည့်လျှင် ပိုတက်စီယမ်နိုက်ထရိတ်ကို လျှော့၍ အသုံးပြုရန် လိုအပ်တယ်။

 

ကယ်လ်ဆီယမ်/ဘိုရွန်

ကယ်လ်ဆီယမ်သည် အသီးအရည်အသွေး၊ ထိုမှတစ်ဆင့် အနံ့အရသာ အရည်အသွေးကို ထိန်းသိမ်းရာတွင် အဓိက အကျိုးသက်ရောက်သည့် သန်မာသော ဆဲလ်နံရံ ဖြစ်ပေါ်ခြင်းအတွက် အရေးပါတယ်။ ကောင်ဖီပင်တစ်ပင်လုံးရှိ ကယ်လ်ဆီယံ ၁၅ % အောက်ကိုသာ အသီးတွင် တွေ့ရသော်လည်း ထိုမျှနည်းပါးသော ကယ်လ်ဆီယံပါဝင်မှုသည် ကော်ဖီသီးအရည်အသွေးအတွက် အရေးကြီးပါတယ်။ ဆန်နီကဖီး (Cenicafe) က ပြုလုပ်သော စမ်းသပ်ချက်များအရ နိုတ်ထရာဘော (Nitrabor)ကို အသုံးပြုခြင်းသည် ကော်ဖီအရည်အသွေးအားလုံးကို တိုးတက်စေကြောင်း တွေ့ရှိခဲ့ရပါတယ်။ ကယ်လ်ဆီယမ်နှင့် ဘိုရွန်တို့သည် သန်မာသည့် ဆဲလ်နံရံဖြစ်ပေါ်ခြင်း အတွက် အတူတကွ အလုပ်လုပ်ကြသည်ဟု သိထားကြတယ်။