ကော်ဖီ၏ ဝိသေသလက္ခဏာများ

အနံ့ (flavour) သည် အခြားသော ကော်ဖီအနံ့အရသာခံခြင်း၏ သတ်မှတ်ချက်များ အားလုံးအတွက် အကျုံးဝင်သော စကားရပ်ပဲ ဖြစ်ပါတယ်။

 

အရသာ

အရသာ (flavour) သည် အခြားသော ကော်ဖီအနံ့အရသာခံခြင်း၏ သတ်မှတ်ချက်များ အားလုံးအတွက် အကျုံးဝင်သော စကားရပ်ပဲဖြစ်ပါတယ်။

ယင်းစကားလုံးသည် ကော်ဖီကို ခြုံငုံအကဲဖြစ်ခြင်းဖြစ်ပါတယ်။ စံပုံစံကားချပ် သို့မဟုတ် ‘အနံ့သတ်မှတ်စက်ဝန်း’  ဖြင့် တိုင်းတာလေ့ရှိပါတယ်။

အက်ဆစ်ဓာတ်

အက်ဆစ်ဓာတ်သည် ခါးစိမ့်စိမ့် အရသာကိုပေးလျက် ကော်ဖီကို သက်ဝင်စေပါတယ်။ ဤနေရာတွင် သုံးသော အက်ဆစ်ဓာတ်ဆိုသည်မှာ ကော်ဖီ၏ အက်စစ်ဓာတ်၊ ဘေ့စ်ဓာတ်ကို ဆိုလိုခြင်းမရှိပါ။ သို့ရာတွင် ကော်ဖီထဲတွင် အက်ဆစ်ပါဝင်မှုကြောင့်ဖြစ်သည်ဟု ယူဆထားပါသည်။ အက်ဆစ်ဓာတ်သည် ဝိုင်နီကို သောက်သည့်အခါ လျှာနောက်ဖက်၏ ဘေးဖက်တွင် ခံစားရသည့် ခါးသက်သက်၊ ခပ်စူးစူးအရသာနှင့် ဆင်ပါတယ်။

ကင်ညာကော်ဖီများသည် အများအားဖြင့် အစိုနည်းစီမံထုတ်လုပ်ထားသည့် ကော်ဖီဖြစ်ရာ အလွန်ပင် အက်ဆစ်ဓါတ်များတယ်။ အခြောက်ခံနည်းဖြင့် စီမံထုတ်လုပ်ထားသော ကော်ဖီများသည် နည်းပါး၊ သိမ်မွေ့သော အက်ဆစ်ဓာတ်ရှိပါတယ်။ ကော်ဖီကို များများလှော်ပါက အက်ဆစ်ဓာတ် ပိုမို လျော့နည်းကြောင်း မှတ်သားထားရန် အရေးကြီးပါတယ်။ အက်စ်ပရက်စ်ဆို (espresso) ကော်ဖီတွင် အက်ဆစ်ဓာတ် ပမာဏမြင့်မားမနေသင့်ပါ။

အသင့်သုံးကော်ဖီတွင် ကျွန်တော်တို့၏ အရသာခံဂလန်းများကို နှိုးဆွပေးသော ဒြပ်ပေါင်း ၈၀၀ ဝန်းကျင် ရှိပါတယ်။ သို့ရာတွင် မတူသည့် အချက်ကတော့ အသင့်သောက် ကော်ဖီတွင် အနံ့အရသာရှိပြီး အငွေ့ပျံသည့် ဒြပ်ပေါင်းအများစု မပါကြရာ စုစုပေါင်းအရသာ အများစုကို သိသာထင်ရှားစွာ လျော့ကျစေပါတယ်။ ဤနေရာတွင် ပြောသော ကော်ဖီ၏ အက်ဆစ်ဓာတ်သည် လူ့လျှာပေါ်ရှိ အရသာခံဂလန်းများသို့ အက်ဆစ်အဖိုဓာတ်ကို ပေးခြင်းမှရရှိပါတယ်။ အက်ဆစ်ဓာတ်သည် အထူးသဖြင့် အမေရိကန်အလယ်ပိုင်းနှင့် အရှေ့အာဖရိကန်ကော်ဖီများတွင် ပါဝင်နှုန်းမြင့်မား ကြပါတယ်။ သို့ရာတွင် အက်ဆစ်ဓာတ်ပေါက်ခြင်းသည် အက်ဆစ်ဓာတ်ပါဝင်မှု များပြား လွန်းခြင်းဖြစ်ပြီး အပြစ်အနာအဆာအဖြစ် ယူဆနိုင်ပါတယ်။

အက်ဆစ်ဓာတ်ရှိခြင်းသည် အမြင့်ပေအလွန်မြင့်မားသော နေရာများ၊ တွင်းထွက်ပစ္စည်း ပေါကြွယ်ဝသည့် မီးတောင်မြေများတွင် စိုက်ပျိုးထားသော ကော်ဖီများနှင့် ဆက်စပ်မှုရှိပါတယ်။ ဆေးကြောထားသည့် ကော်ဖီများ၏ ပါဝင်သောအက်ဆစ်ဓာတ်သည် သဘာဝအရ (အခြောက်) ပြုပြင်စီမံထားသော ကော်ဖီများတွင် တွေ့ရသော အက်ဆစ်ဓာတ်ပါဝင်ခြင်းထက် သိသာစွာ မြင့်မားပါတယ်။

ဤသို့ဖြစ်ခြင်းမှာ ကော်ဖီ၏အလေးချိန်သည် ကော်ဖီ၏အက်ဆစ်ဓာတ်ကို ဖုံးထားသဖြင့် အစိုပြုပြင်စီမံထားသော ကော်ဖီနှင့်ယှဉ်လျှင် သဘာဝအတိုင်း ပြုပြင်စီမံထားသည့် ကော်ဖီများ၏ အလေးချိန်တိုးလာခြင်းကြောင့် ဖြစ်ကောင်းဖြစ်နိုင်ပါတယ်။ နှပ်ထားသော ကော်ဖီရှိ အက်ဆစ်ဓာတ်ပါဝင်မှုသည်လည်း လှော်သည့် အဆင့်၊ ကော်ဖီလှော်နည်းအမျိုးအစားနှင့် ကော်ဖီနှပ်သည့်နည်းလမ်းတို့ အပေါ် များစွာမူတည်ပါတယ်။ ကော်ဖီအရသာခံ အကဲဖြတ်သူများသည် အက်ဆစ်ဓာတ်ကို စိစစ်သုံးသပ်ရန် ၀ မှ ၉ အထိရှိသော တိုင်းတာမှုစနစ်ကို အသုံးပြုကြပြီး ၆ မှ ၇ အထိရှိသော ကော်ဖီများကို အက်ဆစ်ဓာတ်မြင့်မားသည်ဟု သတ်မှတ်ပါသည်။

လျှာပေါ်စွဲကျန်ရစ်သည့်အရသာ

လျှာပေါ် စွဲကျန်ရစ်သည့်အရသာသည် ကော်ဖီကို မြိုချပြီးနောက် ခံစားရသော အရသာဖြစ်ပါသည်။ ကော်ဖီအရသာခံ အကဲဖြတ်သူများသည် လျှာပေါ်စွဲကျန်ရစ်သည့် အရသာ၏ တည်မြဲမှုကို စိစစ်သုံးသပ်ကြသည်။ လည်ချောင်းနောက်တွင် ကနဦးခံစားရသည့် အနံ့အရသာမှသည် အဆိုပါ အရသာကုန်ဆုံးသွားသည့် အချိန်အထိ မည်မျှ ကြာသလဲဆိုတာကို အကဲဖြတ်ခြင်းပဲ ဖြစ်ပါတယ်။

ကော်ဖီအလေးချိန်

ကော်ဖီအလေးချိန်ဆိုသည်မှာ လျှာပေါ်တွင် ကော်ဖီကို တင်ရှိစေပြီး လျှာကို အာခေါင်နှင့် ပွတ်ခြင်းဖြင့် အာရုံခံစားနိုင်သော ကော်ဖီအလေးချိန်ဖြစ်ပါတယ်။ ကော်ဖီအလေးချိန်တွင် ပါးလွှာခြင်းမှ ပေါ့ပါးခြင်း၊ အလေးချိန်စီးခြင်းအထိရှိပြီး ကော်ဖီအဆီပါဝင်မှု၏ ရလဒ်တစ်ခုပဲဖြစ်ပါတယ်။ အလယ်အလတ်နှင့် ကျွမ်းအောင်လှော်ထားသည့် ပုံစံများတွင် အနည်းငယ်သာလှော်ထားသော ကော်ဖီများထက် ကော်ဖီအလေးချိန် စီးသော်လည်း အက်စစ်ဓာတ် ပါဝင်မှု နည်းပါတယ်။

အနံ့အရသာ

ကော်ဖီ၏အနံ့အရသာသည် နှပ်ကော်ဖီရှိ အငွေ့ပျံနိုင်သော ဒြပ်ပေါင်းများ၏ ရှုပ်ထွေးသော ဒြပ်ပေါင်းများကြောင့် ဖြစ်ပါတယ်။ ဆာလ်ဖာ ဒြပ်ပေါင်းများ အပါအဝင် အနံ့ အရသာကို အကျိုးသက်ရောက်သော ဒြပ်ပေါင်း ၈၀၀ နီးပါးရှိပါတယ်။

ခါးသက်ခြင်း

ကော်ဖီလှော်သည့် လုပ်ငန်းစဉ်များ၊ အမျိုးမျိုးသော အခဲဖြစ်သွားသည့် အဆင့်များ၊ ကဖိန်းဓာတ်နှင့် အက်ဆစ်များ၏ အမျိုးမျိုးတို့သည် ကော်ဖီ၏ ခါးသက်ခြင်း၊ ချဉ်ခြင်းနှင့် အနံ့အရသာ ပြင်းပြခြင်းအားလုံးတို့အပေါ် လွှမ်းမိုးမှုရှိပါတယ်။ နိမ့်သောအဆင့်များတွင် ခါးသက်ခြင်းသည် အက်ဆစ်ဓာတ်ကို လွှမ်းမိုးထားပြီး နှပ်ကော်ဖီတွင် လိုလားဖွယ်အရသာကို ထပ်ပေါင်းပေးပါတယ်။ သို့ရာတွင် မြင့်မားသော အဆင့်များတွင် ခါးသက်သော ဒြပ်ပေါင်းများသည် ကော်ဖီတွင်ပါရှိသည့် အခြားသောအရာများကိုပါ လွှမ်းမိုးသွားကာ မလိုလားအပ်သော အကျိုးများ ပေါ်ပေါက်စေပါတယ်။

ကဖိန်းဓာတ်

အနည်းငယ်ဖယ်ထုတ်ခြင်းသည် ကော်ဖီ၏ ခါးသက်မှုကို လျော့ကျစေပါတယ်။ ကင်ညာတွင် ကျင့်သုံးနေသော အချဉ်ဖောက် လုပ်ငန်းစဉ်ပြီးနောက် ကော်ဖီကို နှစ်ဆယ့်လေးနာရီခန့် လတ်ဆတ်သည့်ရေထဲတွင် စိမ်ထားခြင်းသည် ခါးသက်မှုကို လျော့ကျစေသည်ဟု ဆိုကြပါတယ်။ ကော်ဖီကို ကြမ်းထော်စွာကြိတ်ခွဲခြင်းသည် ခါးသက်မှုကို လျော့ကျစေပါတယ်။ သို့ရာတွင် ကောင်းမွန်စွာ စစ်ထုတ်နိုင်ရန်အတွက် မှန်ကန်သော ကြိတ်ခွဲမှုအရွယ်အစားကို အသုံးပြုသင့်ပါတယ်။