fbpx

သီးနှံအာဟာရ ဖြေရှင်းနည်းများ

ခရမ်းချဉ်

ခရမ်းချဉ်အထွက်တိုးအောင်ပြုလုပ်ခြင်း

အမြစ်ဖွံ့ဖြိုးခြင်း၊ အစောပိုင်း အပင်ကြီးထွားခြင်း၊ ပန်းပွင့်ခြင်းနှင့် အသီးသီးခြင်း လုပ်ငန်းစဉ် တစ်လျှောက်မှာ အချိုးအစားညီမျှအောင် အာဟာရကျွေးခြင်းဟာ ဈေးကွက်ဝင် ခရမ်းချဉ်သီးများရရှိရန်နှင့် သီးနှံအထွက်နှုန်းမြင့်မားလာစေရန်အတွက် အလွန်ကိုအရေးကြီးပါတယ်။

အမြစ်ဖွံ့ဖြိုးစဉ်တစ်လျှောက်မှာ သီးနှံအာဟာရအချိုးအစားညီညွတ်မျှတအောင်ထည့်သွင်းပေးခြင်းဟာ အစောပိုင်းအပင်ကြီးထွားမှု၊ ပန်းပွင့်ခြင်းနှင့် အသီးဖြစ်ထွန်းခြင်းတို့အတွက်အထောက်အပံ့ဖြစ်စေနိုင်ပြီးတော့ ဈေးကွက်ဝင်တဲ့ ခရမ်းချဉ်သီးတွေကိုလည်းရရှိစေပါတယ်။ ခရမ်းချဉ်သီးတွေကို ရေသွင်းရေထုတ်ကောင်းမွန်တဲ့မြေမှာ စိုက်ပျိုးရင်လည်း အထွက်နှုန်းကောင်းကောင်း ရရှိရန် အထောက်အကူပြုပါတယ်။ သီးနှံအတွက်လိုအပ်တဲ့အာဟာရတွေကို ပြည့်စုံအောင်ထည့်သွင်းပေးခြင်းဟာလည်း ခရမ်းချဉ်အထွက်တိုးရန်အတွက် အလွန်ကို အရေးကြီးတဲ့ အချက်တစ်ခုဖြစ်ပါတယ်။


သီးနှံအာဟာရပေးခြင်းနှင့် ခရမ်းချဉ်အထွက်နှုန်း

နိုက်ထရိုဂျင်

 

နိုက်ထရိုဂျင်ဟာ သင့်တော်တဲ့ အပင်ကြီးထွားမှုနှုန်းနှင့် မြင့်မားသည့် ခရမ်းချဉ်အထွက်နှုန်းရရှိရန်အတွက် အရေးအကြီးဆုံး အာဟာရဓာတ်တွေထဲမှ တစ်ခုဖြစ်ပါတယ်။ ထုတ်လုပ်တဲ့ ခရမ်းချဉ် တစ်တန်တိုင်းအတွက်  နိုက်ထရိုဂျင် ၂.၂ - ၂.၄ ကီလိုဂရမ် ပတ်လည်ခန့် စုပ်ယူတဲ့အတွက် ခရမ်းချဉ် တစ်ဟက်တာလျှင်ပျမ်းမျှအထွက်နှုန်းတန် ၁၀၀ အတွက် တစ်ဟက်တာလျှင် နိုက်ထရိုဂျင် ၂၅၀ ကီလိုဂရမ်နှုန်းနှင့်အထက် လိုအပ်ပါတယ်။ ဒါပေမဲ့ နိုက်ထရိုဂျင် အလွန်အကျွံ အသုံးပြုခြင်းဟာ ခရမ်းချဉ်အထွက်နှုန်းကို ကျဆင်းစေတဲ့အတွက်ကြောင့် သတ်မှတ်ထားတဲ့နှုန်းထားအတိုင်းထည့်သွင်းအသုံးပြုခြင်းဟာလည်း အရေးကြီးတဲ့အချက်တချက်ဖြစ်ပါတယ်။


မှန်ကန်သောပုံစံဖြင့် အသုံးပြုပေးဖို့လည်း လိုအပ်ပါတယ်။ အမိုနီယမ်ဓာတ်ဟာ အပင်ကြီးထွားမှုကို အတားအဆီးဖြစ်စေပြီး အရည်အသွေးကိုပါ ဆိုးဝါးစွာထိခိုက်စေနိုင်ပါတယ်။


ဖော့စ်ဖရပ်စ်


ဖော့စ်ဖရပ်သည် အစောပိုင်းအပင်ကြီးထွားမှုနှင့် အမြစ်စွဲစပျိုးပင်များရဲ့ အမြစ်ဖွံ့ဖြိုမှုအတွက် အရေးကြီးပါတယ်။ အသီးတင်တဲ့အဆင့်မှာလည်း မရှိမဖြစ်အရေးကြီးတယ်။ ဖော့စ်ဖရပ်စ်အလွယ်တကူရရှိနိုင်မှု နည်းပါးသောမြေများမှာ ဖော့စဖိတ်မြေသြဇာကို ရိတ်သိမ်းချိန်တွင် ပယ်သီး အရေအတွက်ကို လျော့ကျစေရန်၊ ခရမ်းချဉ်အထွက်နှုန်းနှင့် ရင့်မှည့်မှုညီညာစေရန်အတွက် အသီးတင်တဲ့အချိန်မှာ ကျွေးပေးဖို့ လိုအပ်ပါတယ်။


ပိုတက်စီယမ်


ခရမ်းချဉ်သီးတွင် ပိုတက်စီယမ်လိုအပ်ချက်ဟာလည်း အတန်အသင့်မြင့်မားပြီး တစ်ဟက်တာလျှင်ပိုတက်စီယမ် ၃၀၀ ကီလိုဂရမ်ကျော်ကျော် လိုအပ်ပါတယ်။ ပိုတက်စီယမ်ဓာတ် မြင့်မားစွာရရှိခြင်းကြောင့် ခရမ်းချဉ်အထွက်နှုန်းလည်းမြင့်မားစွာ ရရှိနိုင်ပါတယ်။  ကယ်လ်စီယမ်နှင့် မဂ္ဂနီစီယမ်တို့ကဲ့သို့ အခြားအနည်းလိုအာဟာရဓာတ်များကို အချိုးညီစွာသုံးစွဲရန်လည်း လိုအပ်ပါတယ်။


ကယ်လ်စီယမ်


အပင် ကြီးထွားမှု၊ အမြစ်ဖွံ့ဖြိုးမှုနှင့် အထွက်နှုန်းများအတွက် ခရမ်းချဉ်သီးတွင် ကယ်လ်စီယမ်ဓာတ်ကလည်းလိုအပ်ပါတယ်။ ခရမ်းချဉ်အထွက်နှုန်းမြင့်မားစွာရရှိဖို့အတွက် စိုက်ပျိုးရာသီအလယ်ပိုင်းမှာ ကယ်လ်စီယမ်လိုသလောက်ရရှိနိုင်မှုဟာ အရေးကြီးပါတယ်။ စိုက်ပျိုးရာသီတစ်လျှောက်မှာ ကယ်လ်စီယမ်ဓာတ်ကို အပင်မှရရှိနိုင်အောင် အချိန်ကိုက် အချိုးညီစွာကျွေးပေးရန်လည်း လိုအပ်ပါတယ်။


ဆာလ်ဖာ


ဆာလ်ဖာဓာတ်ဟာလည်း ခရမ်းချဉ်အထွက်နှုန်းတိုးရန်အတွက် အရေးကြီးသော အာဟာရဓာတ် ဖြစ်ပါတယ်။ စိုက်ပျိုးရာသီတစ်လျှောက်လုံးမှာ ဆာလ်ဖာသုံးစွဲပေးရန် လိုအပ်တယ်။ မြေတွေဟာ မကြာခဏဆိုသလို ဆာလ်ဖာချို့တဲ့လေ့ရှိပါတယ်။ ဆာလ်ဖာကို ရွက်ဖျန်းမြေသြဇာအဖြစ် အသုံးပြုခြင်းသည် မြေကြီးပေါ်အသုံးချသော မြေသြဇာထက် ပိုမိုထိရောက် နိုင်သည်။


အနည်းလိုအာဟာရများ


အနည်းလိုအာဟာရတစ်ခုခု အလွယ်တကူ မရရှိနိုင်ခြင်းကြောင့် ခရမ်းချဉ်အထွက်နှုန်းကို အဟန့်အတားဖြစ်စေပါတယ်။ သို့ရာတွင် မဂ္ဂနီစ်ဓာတ်နှင့် ဘိုရွန်ဓာတ်တို့သည် အဆိပ်သင့်စေပြီး အပင်ကြီးထွားမှုကို အဟန့်အတားဖြစ်စေတဲ့အတွက် ၎င်းဓာတ်များ လွန်ကဲစွာ အသုံးမပြုမိရန်လည်း လိုအပ်ပါတယ်။ အရေးအကြီးဆုံး အနည်းလို အာဟာရဓာတ်ကတော့ ဘိုရွန်ဓာတ်ဖြစ်ပြီး ယင်းဓာတ်ထောက်ပံ့မှုနည်းပါက အသီးပခုံးသားများ ဖော့ဆို့ပုံစံဖြစ်သွားပြီး ဆိုးဝါးစွာချို့တဲ့ပါက အသီးဖြစ်ပေါ်ခြင်းကို အကန့်အသတ်ဖြစ်စေပါတယ်။


ခရမ်းချဉ်အထွက်ကို လွှမ်းမိုးသော အခြားသီးနှံစီမံခန့်ခွဲရေး အလေ့အထများ


• အပင်များအနေနှင့် ခရမ်းချဉ်အထွက်နှုန်းမြင့်မားစွာရရှိစေရန်အတွက် သဘာဝပတ်ဝန်းကျင်၊ အလင်းရောင်အခြေအနေ၊ အပင်အစိပ်အကျဲနှင့် ပင်ကြားတန်းကြားအကွာအဝေးဟာ အရေးကြီးပါတယ်။


• သင့်တော်သည့်မြေချဉ်ငန်ဓာတ်ကို ထိန်းသိမ်းခြင်းသည် အာဟာရဓာတ်များကို အလွယ်တကူရစေတယ်။ ပေါင်းသတ်ဆေးကို အသုံးပြုခြင်း သို့မဟုတ် ထွန်ယက်ခြင်းဟာလည်းပေါင်းများကို ဖယ်ရှားပေးနိုင်ပါတယ်။


• ပန်းပွင့်ကောင်းမွန်စွာဖြစ်ပေါ်ခြင်း၊ ကောင်းမွန်သော ဝတ်မှုံကူးခြင်း၊ သန္ဓေအောင်ခြင်းနှင့် အသီးတင်ခြင်းတို့ကို သေချာစေရန် အပူချိန်နှင့် အလင်းပြင်းအားတို့သည် ပန်းပွင့်ချိန်မှာ အရေးကြီးပါတယ်။


• မြင့်မားသည့်အပူချိန်ဖိအားကြောင့် ပန်းမပွင့်မီ ပန်းဖူးပြည်တည်နာကို ဖြစ်စေနိုင်ပါတယ်။ ပန်းပွင့်ချိန်တွင် မြင့်မားသည့်အပူချိန်ရရှိပါက ပုံသဏ္ဌာန်မမှန်သော ပန်းပွင့်ဖွံ့ဖြိုးမှုနှင့် သေဆုံးခြင်းကို ဖြစ်စေပါတယ်။


• ခရမ်းချဉ်စိုက်ပျိုးထုတ်လုပ်သူများဟာ အလင်းရောင် ပိုမိုရရှိစေရန် ရင့်မှည့်သောအသီး ဒါမှမဟုတ်  အောက်ပိုင်းအရွက်များကို ဖယ်ရှားပေးခြင်းဖြင့် လွန်ကဲစွာ ပင်ပိုင်းကြီးထွားမှုကို လျော့နည်းအောင် ပြုလုပ်ပေးနိုင်ပါတယ်။ ထိုသို့ပြုလုပ်ပေးခြင်းဟာ ပင်စည်ကိုရောဂါကျရောက်မှုလျော့နည်းစေပြီး အောက်ပိုင်းပင်စည်တစ်လျှောက်တွင် လေရွေ့လျားမှုကိုလည်း ပိုမိုကောင်းမွန်စေပါတယ်။ ခရမ်းချဉ်သီးနှံသည် နေလောင်ဒဏ်ကို ခံနိုင်ရည်မရှိသဖြင့် အလင်းရောင် မြင့်မားစွာရရှိသော ပတ်ဝန်းကျင်တွင် အလွန်အမင်းခေါင်နှိမ်ခြင်း ပြုလုပ်ပေးခြင်းအား ရှောင်ရှားသင့်ပါတယ်။


• မှန်လုံအိမ်ဖြင့်စိုက်ပျိုးသောသီးနှံတွေမှာ ကာဗွန်ဒိုင်အောက်ဆိုဒ် ပေါကြွယ်ဝခြင်းဟာ အသီးတစ်လုံးချင်းအလေးချိန်တိုးစေခြင်းကြောင့်ခရမ်းချဉ်အထွက်ကို တိုးစေပါတယ်။ မှန်လုံအိမ်များတွင် လေဝင်လေထွက်ကို ကောင်းအောင်ပြုလုပ်ပေးပါကလည်း အထွက်နှုန်းတိုးလာခြင်းကို အထောက်အပံ့ပေးနိုင်ပါတယ်။


• အမြစ်ပတ်ဝန်းကျင်အတွင်းကောင်းမွန်စွာ ရေထုတ်ပေးခြင်းဖြင့် မြေငန်ခြင်းကို ထိန်းချုပ်ပေးနိုင်ပြီး ကောင်းမွန်သောရေပေးဝေခြင်းကြောင့် အပင်ကြီးထွားမှုကို အထောက်အကူဖြစ်စေပြီး အပင်မှအာဟာရဓာတ်ရရှိမှုကလည်း ပိုမိုကောင်းမွန်လာနိုင်ပါတယ်။  

သင့်ရဲ့ ခရမ်းချဉ်သီးနှံမှာ အဟာရချို့တဲ့ခြင်း ရှိနေပါသလား

သင့်ရဲ့ သီးနှံမှာ အဟာရချို့တဲ့ခြင်း ရှိနေပါသလား။ အောက်ပါ ဇယားတွင် သီးနှံအဟာရချို့တဲ့ခြင်းများကို အလွယ်တကူ ရှာဖွေပါ။

N နိုက်ထရိုဂျင်
B ဘိုရွန်
Ca ကယ်လစီယမ်
Cu ကော့ပါး
Fe အိုင်ရွန်း (သံဓာတ်)
Mg မဂ္ဂနီစီယမ်
P ဖော့စဖောရပ်
K ပိုတက်ဆီယမ်
S ဆာလဖာ
Zn ဇင့်

အားလုံးကို ကြည့်ရန်

မှန်ကန်သောအာဟာရစီမံခန့်ခွဲမှုက ခရမ်းချဉ် သီးနှံများကို မည်သို့ အကျိုးသက်ရောက်နိုင်သလဲ


ယာရာမြန်မာကို ဆက်သွယ်ရန်

ယာရာမြန်မာ လီမိတက်

အမှတ် ၁၃-၁၉၊ ဆူးလေစကွဲ အဆောက်အအုံ၊ ဆူးလေဘုရားလမ်း၊
ကျောက်တံတားမြို့နယ်၊ ရန်ကုန်မြို့၊ မြန်မာ။

ဖုန်းနံပါတ် - ၀၁ ၉၂၅ ၅၁၉၅